Ինքնասիրահարվածությունը Facebook-ից եւ սոցիալական այլ ցանցերից կախվածության հետեւանք է: Այս մասին հայտարարել են Հյուսիսային Ֆլորիդայի համալսարանի հոգեբանները: Այստեղ ամեն ինչ արված է, որպեսզի մարդն անընդհատ ինքնասիրահարվածությամբ զբաղվի (գրառումներ կատարի, լուսանկարներ ավելացնի): Օրինակ՝ էջի հիմնական լուսանկարը հնարավորություն է տալիս անձի հանդեպ առավելագույն ուշադրություն հրավիրել:
Հետազոտությունը ցույց է տվել, որ մարդու առցանց վարքագիծը հստակ կերպով ցույց է տալիս նրա ինքնասիրահարվածության մակարդակը: Ըստ Meddaily-ի, հատկանշական է, որ անձնական էջի գլխավոր լուսանկարի գնահատականը միակ բնութագիրն է, որը ցույց է տալիս տղամարդկանց ինքնասիրահարվածությունը: Կանանց դեպքում կարեւոր են ե՛ւ լուսանկարների գնահատականը, ե՛ւ գրառումների թարմացման հաճախականությունը:
Չնայած ինքնասիրահարվածությունը հատուկ է եղել երկու սեռի ներկայացուցիչներին էլ, միայն կանայք են իրենց լուսանկարները գնահատել որպես «գլամուր» եւ «գրավիչ»: Կանայք նաեւ ավելի հաճախ են փոխել իրենց էջի գլխավոր լուսանկարը (թարմացումը կատարվել է ամիսը մեկ անգամ, տղամարդկանց պարագայում՝ երեք ամիսը մեկ անգամ):