2014թ երկրորդ եռամսյակի ընթացքում ֆեյսբուք սոցիալական կայքի շահույթը 2013թ. նույն ցուցանիշի համեմատությամբ ավելացել է 138%-ով եւ կազմել 731 միլիոն դոլար, հաղորդում է «France Press» գործակալությունը՝ վկայակոչելով ընկերության հաշվետվությանը:
«Երկրորդ եռամսյակը մեզ համար շատ հաջող էր: Մեր համայնքը շարունակում է աճել եւ առջեւում մենք շատ հնարավորություններ ենք տեսնում մնացյալ մարդկության՝ մեզ միանալու կապակցությամբ», - հայտարարել է Facebook-ի ղեկավար Մարկ Ցուկերբերգը:
Հաշվետու տարում ֆեյսբուքի ընդհանուր եկամուտ աճել մինչեւ 2.91 մլրդ դոլար, որի 62%-ը կազում են սմարթֆոնների եւ պլանշետների համար սոցիալական կայքերի հավելվածներում գովազդների տեղադրումից ստացված միջոցները: Անցյալ տարվա համեմատությամբ գովազդից ստացված եկամուտը աճել է 67%-ով եւ կազմել 2,68 մլրդ դոլար:
Ամսական գոնե մեկ անգամ Ֆեյբուք մուտք գործող օգտատերերի թիվը անցյալ տարվա համեմատությամբ աճել է 14%-ով՝ կազմելով 1,32 մլրդ մարդ: Բջջային սարքավորումներով Facebook հավելվածն օգտագործող մարդկանց ընդհանուր թիվը կազմում 1,07 մլրդ մարդ, հաղորդում է «ՌԻԱ Նովոստին»:
