«Հայգազարդ» ՊՓԲԸ-ի պարտքերը կմարեն Արցախի գազատարի եւ «Նաիրիտ», «Նաիրիտ-2» քիմիական գործարանների բաժնետոմսերի հաշվին: Համապատասխան որոշումն ընդունվել է Գործադիրի հուլիսի 24-ի նիստում:
Պարտքերը կմարվեն «Հայգազարդի» ակտիվներից, ներառյալ «Նաիրիտ-2» ՓԲԸ-ի 53,27% բաժնետոմսերը (7,32 մլրդ դրամ կամ18 մլն դոլար), «Նաիրիտ» ՓԲԸ-ի 3,5967% բաժնետոմսերից (983,4 մլն դրամ կամ 2,4 մլն դոլար): Այս ակտիվները փոխանցվել են «Որոտանի ՀԷԿ-երի համալիր» ՊՓԲԸ-ին (որը պետք է մասնավորեցվի ամերիկյան «Contour Global» ընկերության կողմից):
Այլ ակտիվներ, Տեղ–Ստեփանակերտ գազատարը (585 մլն դրամ կամ 1,4 մլն դոլար) եւ «Նաիրիտ-2» ՓԲԸ-ի 46,73 տոկոս բաժնեմասը կփոխանցվեն ՀՀ էներգետիկայի նախարարությանը:
1998թ. ստեղծվելով՝ «ՀայՌուսգազարդը» ստացել էր հայկական գազատրանսպորտային համակարգի ակտիվները, իսկ դեբիտորական եւ վարկային պարտքերը մնացել էին «Հայգազարդի» հաշվեկշռին՝ ձեռնարկությանը տրված մի շարք վարկերի հետ, այդ թվում՝ ՊՆ «Հայէներգո» ՊՓԲԸ-ի վարկը, ինչպես նաեւ ՊՆ-ի եւ «Հայէներգո»-ի վարկը՝ ուղղված Սեւան-Հրազդան ՀԷԿ-երի համալիրին: Այս պարտքերն էլ հենց կմարվեն ակտիվների փոխանցման եղանակով: