Իսպանիայի Վալենսիա քաղաքի ղեկավարությունը հայտարարել է նոր նախագծի մեկնարկի մասին: Վալենսիայի ափերի մոտ արհեստական խութ կհայտնվի, որի կառուցմանն արդեն ձեռնամուխ են եղել մասնագետները:
Քաղաքի իշխանությունները կարծում են, որ տարածաշրջանում սեփական խութի հայտնվելը թույլ կտա ոչ միայն նոր զբոսաշրջիկներ գրավել, այլեւ նպաստել ափային տարածքի վերականգնմանը եւ ծովի հատակի բուսականության պահպանմանը:
Ըստ քաղաքի իշխանությունների՝ զբոսաշրջիկները կարող են խութի շուրջ լողալ արդեն այս ամառ, փոխանցում է «Տուրսվոդկան»:
Վալենսիան մեծ հռչակ է վայելում ամբողջ աշխարհի զբոսաշրջիկների շրջանում՝ իր գեղատեսիլ ափերի, ինչպես նաեւ հետաքրքիր պատմության եւ մշակույթի շնորհիվ: