Մայրաքաղաքում ընթացող կանաչապատման եւ ծաղկապատման աշխատանքների շրջանակում կանաչապատման համար նախատեսված տարածքները համալրվում են նաեւ ծաղկային նոր ու հետաքրքիր ձեւավորումներով:
Երեւանի քաղաքապետարանի տեղեկատվության եւ հասարակայնության հետ կապերի վարչությունից հայտնում են, թե 2014 թվականի մայրաքաղաքում նախատեսված է տեղադրել ծաղկային 112 կոմպոզիցիա:
Մինչ օրս վարչական շրջաններում արդեն իսկ տեղադրվել է մոտ 80 նման կոմպոզիցիա:
Նշենք նաեւ, որ Երեւանն այս տարի ձեւավորվել է ավելի քան 2 մլն ծաղիկներով, որոնց մի մասը տեղ են գտել կոմպոզիցիաներում:
Մայրաքաղաքի ծաղկապատման հարցում ընդհանուր մոտեցում ցուցաբերելու նպատակով ծաղկապատման եւ մասնավորապես ծաղկային ձեւավորման լուծումները նախապես համաձայնեցվում են Երեւանի գլխավոր դիզայների հետ:
