Աշխարհի ամենախոշոր ավիաշինարարական Airbus ընկերությունը ներկայացրել է ապագա օդանավերի էկոնոմ դասի նոր նստատեղերի նախագիծ: Ընդ որում, ընկերությունը որոշել է շեղվել ավիաշինարարության համար հարմարավետության ընդհանուր միտումից եւ ուղեւորի անձնական տարածքն ընդլայնելուց:
Նոր բազկաթոռներն ավելի շուտ կհիշեցնեն հեծանվի նստատեղ, փոխանցում է Mignews-ը: Ներկայումս այս առաջարկին ծանոթանալ հասցնողները խոսում են նոր նստատեղերի նվազագույն հարմարավետության մասին, իսկ ավելի ճիշտ՝ դրա բացակայության:
Սակայն տվյալ տարբերակը, հնարավոր է, իռլանդական բյուջետային Ryanair փոխադրողի առաջարկից ավելի լավն է: Օդանավերի եկամտաբերությունն ավելացնելու համար՝ ավիաընկերությունն առաջարկել է որոշ ուղեւորների կանգնած փոխադրել:
