Ֆրանսիական ֆուտբոլային «Լիլ» եւ Իսրայելի «Մաքաբիի» ակումբների միջեւ ընկերական հանդիպումը, որը անցկացվում էր հուլիսի 23-ին Ավստրայում, ընդհատվել է: Խաղի ավարտից մի քանի րոպե առաջ Բիշոֆսհոֆենի մարզադաշտ են ներխուժել պաղեստինական դրոշներով ֆանատները ու հարձակվել են իսրայելցի ֆուտբոլիստների վրա, փոխանցում է AFP-ն:
Խաղացողների հետ մի քանի բախումներից հետո՝ անվտանգության աշխատակիցները բողոքողներին դուրս են հանել դաշտից: Դատավորը որոշել է դադարեցնել խաղը՝ անվտանգության նկատառումներից ելնելով: Ֆրանսիական ակումբը 2:0 հաշվով հաղթում էր:
Միջադեպից հետո «Մաքաբի» ֆուտբոլային ակումբը Jerusalem Post թերթին տված մեկնաբանությունում հայտարարել է, որ հավատում է «գոյակցությանը եւ հանդուրժողականությանը»:
«Մենք դատապարտում ենք մեր դեմ կիրառված բռնությունը: Դա տեղի է ունեցել ոչ թե ֆուտբոլի, այլ այն պատճառով, որ մեր թիմը ներկայացնում է Իսրայելը», - ակումբի հայտարարությունն է մեջբերում թերթը:
