Դատախազության ներկայացուցիչը պահանջում է 18 մարդու մահվան պատճառ դարձած ավտոպատահարի մեղավոր համարվող ԿամԱԶ-ի վարորդ Հրաչյա Հարությունյանին դատապարտել 7 տարվա ազատազրկման՝ հատուկ ռեժիմի գաղութում:
ՌԱՊՍԻ-ն հայտնում է, որ այս մասին հայտնի է դարձել Մոսկվայի Տրոիցկի դատարանի նիստում: ՀՀ քաղաքացին կալանավորված է 2013թ. հուլիսից: Իր մեղքը նա արդեն խոստովանել է:
Հիշեցնենք, վթարը տեղի էր ունեցել 2013 թ. հուլիսի 13-ին՝ Պոդոլսկի մերձակայքում, «Նոր Մոսկվայի» տարածքում: Խճաքարով բեռնված ԿամԱԶ-ի վարորդ, ՀՀ քաղաքացի Հրաչյա Հարությունյանը ճեղքել էր դիմացը դուրս եկած ուղեւորատար ավտոբուսը: Զոհվել էր 18 մարդ, 60-ից ավելին վնասվածքներ էին ստացել:
