Նիդեռլանդներն Ուկրաինայի արեւելք են ուղարկում 40 անզեն ոստիկան` մալայզիական օդանավի վթարի վայրը պահպանելու համար, փոխանցել է երկրի վարչապետ Մարկ Ռյուտեն:
40 անզեն ոստիկանների խնդիրն է, բացի տարածքը պահպանելը, մարմինների որոնման աշխատանքների ժամանակ օգնելը, հավելել է Ռյուտեն:
Հոլանդացի քննիչների եւ փորձագետների խումբն այժմ Կիեւում է: Ոստիկանության ուղեկցությամբ քննիչները եւ փորձագետները կուղեւորվեն օդանավի վթարի վայր:
Ավելի վաղ Նիդեռլանդներից դատաբժշկական երեք փորձագետ ժամանել էին Դոնեցկի մարզի Տորեզ քաղաք՝ զոհերի մարմինների ինքնությունը պարզելու աշխատանքներին մասնակցելու:
Հիշեցնենք, որ Ամստերդամից Կուալա Լումպուր մեկնող MH17 չվերթի օդանավը վթարի էր ենթարկվել հուլիսի 17-ին` Դոնեցկի մարզի Գրաբովո ավանի մոտ: Բոլոր 298 ուղեւորները զոհվել են: Զոհերի մեջ եղել է Նիդեռլանդների 193 բնակիչ, այդ թվում` մեծ թվով երեխաներ:
