Գյումրին կարծես թե վերադարձնում է «կրիմինալ» քաղաքի «համբավը»։ Այսօր՝ հուլիսի 25-ին, կեսօրին մոտ դանակահարություն է տեղի ունեցել Մուշ թաղամասում, որը վերջին երկու օրերի ընթացքում արդեն 3-րդ նման դեպքն է քաղաքում։

NEWS.am-ի տեղեկություններով՝ Մինաս Ավետիսյան 33/38 հասցեում դանակահարվել է 1983թ. ծնված Թորոս Հակոբյանը։ Նրան ծանր վիճակում տեղափոխել են հիվանդանոց եւ այս պահին վիրահատում են։

Նշենք, որ նախօրեին էլ հրազենից ստացված վնասվածքներից մահացած էին գտել Գյումրիի Մանկավարժական ինստիտուտի եղբորը՝ Հարություն Գրիգորյանին։ Նույն օրը ուշ երեկոյան ալկոհոլի ազդեցության տակ վիճաբանության ժամանակ հորաքրոջ որդու կողմից դանակահարվել եւ սպանվել էր 36-ամյա Էդգար Անտիկյանը։