Գյումրիում 24 ժամվա ընթացքում տեղի ունեցած սպանությունների մեջ Շիրակի մարզպետ Ֆելիքս Ցոլակյանը ոչ մի ենթատեքստ չի տեսնում, պարզապես դեպքերը համընկել են:
«Համաձայն չեմ, որ ասում եք՝ Գյումրին վերադարձել է իր կրիմինալ անցյալին, Գյումրին երբեք կրիմինալ անցյալ չի ունեցել: Դեպքեր են տեղի ունեցել, պարզպես մեկ օրվա մեջ են եղել: Ես այս ամենի մեջ ենթատեքստ չեմ տեսնում, սովորական հանցագործություններ են»,- NEWS.am-ի հետ զրույցում ասաց մարզպետը:
Ֆելիքս Ցոլակյանը դեպքերի մասին իմանալուն պես կապվել է ոստիկանության հետ եւ համոզված է, որ շուտով ամեն ինչ կպարզվի:
Նշենք, որ հուլիսի 24-ին հրազենից ստացված վնասվածքներից մահացած էին գտել Գյումրիի Մանկավարժական ինստիտուտի եղբորը՝ Հարություն Գրիգորյանին։ Նույն օրը ուշ երեկոյան ալկոհոլի ազդեցության տակ վիճաբանության ժամանակ հորաքրոջ որդու կողմից դանակահարվել եւ սպանվել էր 36-ամյա Էդգար Անտիկյանը։