ԵԱՀԿ դիտորդական առաքելությունը ռուս-ուկրաինական սահմանը վերահսկելու համար անօդաչու օդանավեր կօգտագործի, հայտնում է Deutsche Welle-ն:
Frankfurter Rundschau-ի տվյալով՝ առանց սպառազինման օդանավերի մատակարարման համար հայտարարված մրցույթն ավարտվել էր հուլիսի 25-ին: Անօդաչու օդանավերի օգտագործման գաղափարին ավելի վաղ ռուսական եւ ուկրաինական կողմերը դրական էին վերաբերվել, փոխանցում է «ՌԻԱ Նովոստին»:
Հուլիսին ավելի վաղ ԵԱՀԿ նախագահ Դիդիե Բուրկհալտերը հայտարարել էր, որ կազմակերպությունը դիտարկում է ռուս-ուկրաինական սահմանը վերահսկելու համար անօդաչու օդանավերի կիրառման հնարավորությունը: Բուրկհալտերի հետ զրույցում Ուկրաինայի եւ ՌԴ արտգործնախարարները հավանություն էին տվել տվյալ նախաձեռնությանը: