Ճապոնիայում հինգ հոգի զոհվել է ուժեղ տապի հետեւանքով, որը գրանցվել է երկրի մեծ հատվածում: Նվազագույնը 1381 մարդու տեղափոխել են հիվանդանոց արեւային հարվածով, նրանցից 5-ի վիճակը ծանր է գնահատվում: Այդ մասին հաղորդել է Ճապոնիային կենտրոնական հրդեհային վարչությունը, որն այնտեղ իրականացնում է ԱԻՆ եւ շտապօգնության գործառույթները:
Վարչության տվյալներով՝ անցյալ շաբաթվա սկզբից տապի հետեւանքով ողջ երկրում ավելի քան 12 մարդ զոհվեց, իսկ հիվանդանոց տեղափոխեցին մոտ 6000 հոգու: Զոհերի մեծամասնությունը տարեց հասակի մարդիկ են: Ճապոնիայի շրջաններում մեծամասամբ 30 աստիճանից բարձր ջերմաստիճան էր գրանցվում: Ճապոնիայի մերձափնյա մի շարք շրջաններում ջերմաստիճանը 39-ից բարձր էր: Տոկիոյում պահպանվում էր 35 աստիճանի վրա, հաղորդում է ԻՏԱՌ-ՏԱՍՍ-ը:
Ճապոնական իշխանությունները բնակչությանը կոչ են անում շատ ջուր խմել եւ փողոցում բաց գլխով չհայտնվել: Օդերեւութաբանները կանխատեսում են, որ շոգ եղանակը երկրի հիմնական հատվածում կպահպանվի մինչեւ հաջորդ շաբաթվի սկիզբը: Միեւնույն ժամանակ Ճապոնիայի հյուսիսում արդնեն վաղը երկար սպասված անձրեւներ կտեղան, որոնք հորդառատ կլինենք, կարող են ջրհեղեղներ ու սողանքներ առաջացնելով լեռնային շրջաններում:
