Չինաստանի իշխանությունները հրապարակել են ճապոնացի պետպաշտոնյա Իսահակ Սիգուխարի՝ 1930-1940-ական թթ. 30 հազար չինացիներին կտտանքների ենթարկելու արխիվային խոստովանությունը:
Այն բանից հետո, երբ Ճապոնիայի վարչապետի՝ Սինձո Աբեի գլխավորությամբ մի շարք ճապոնացի քաղաքական գործիչներ հանդես են եկել այդ ժամանակաշրջանում ռազմական հանցագործությունների հերքմամբ, Արխիվների չինական պետական վարչությունը (SAA) սկսել է հրապարակել այդ հանցագործությունները փաստող անհերքելի ապացույցներ:
Հունիսի 3-ից սկսած՝ չինական գերատեսչությունը օրական մեկ փաստաթուղթ է հրապարակում, Սիգուխարի խոստովանությունը 45-րդն է, հաղորդում է «ՌԻԱ Նովոստին»:
Համաձայն Սիգուխարի գրավոր խոստովանության, 1945թ. նոյեմբերին գերեւարվելուց առաջ նա եղել է Ճապոնիայի արդարադատության նախարարության քրեական ստորաբաժանման գաղափարախոսական վարչության ղեկավարը:
Նա պատմել է, որ 1938թ մայիսից մինչեւ 1939թ. մայիսը պատժամիջոցներ է կիրառել 300 չինացիների նկատմամբ, իսկ 1941թ. փետրվարից մինչեւ մարտը Չժաոյուան, Չժաոդուն եւ Չժոչժոու նահանգներ եւս 175 չինացի պարտիզաններ եւ խաղաղ բնակիչներ անձնապես իր կողմից հրահրված հետապնդման զոհ են դարձել: Նրանցից 72-ը դատապարտվել են մահվան: Սիգխուարան խոստովանել է, որ իր կարիերայի ընթացքում կտտանքների է ենթարկել ավելի քան 30 հազար մարդու:
