Սոցցանցերի օգտագործումը մարդկանց դարձնում է դժբախտ ու նախանձող: Այդ մասին հաղորդդում է «Sky News»-ը՝ վկայակոչելով սոցհետազոտությունը, որն անցկացվել է «Scope» բարեգործական կազմակերպության կողմից:
Հարցումը ցույց է տալիս, որ սոցիալ մեդիայում մյուսների հետ շփումից հետո օգտատերերի մոտ երկու երրորդ մասն իրեն դժբախտ ու միայնակ է զգում: Իսկ 1500 հարցվողների կեսը խոստովանել է, որ իրեն գրավիչ չի համարում:
Բացի այդ հարցվողների մեծ մասը խոստովանել է, որ սոցցանցերից կախվածություն ունի, ուրախ կլիներ ավելի քիչ ժամանակ անցկացնել այնտեղ, հաղորդում է «ՌԻԱ Նովոստին»:
Հետազոտությունը նաեւ ցույց է տալիս, որ օգտատերերի մի մասին զայրացնում է, երբ զրուցակիցն ուղարկում է «չափից ավել անձնական կամ հուզական բնույթի» հաղորդագրություն:
«Մարդիկ չափից ավել ժամանակ են անցկացնում համացանցում: Հաճախ հանգեցնում է նրան, որ սկսում են զայրանալ ու իրենց տգեղ համարել: Մարդիկ պարզապես պետք է դադար տան «թվայնացված թմրամոլությունում»,- նշում է «Scope» ներկայացուցիչը: