Ամերիկյան Նեւադա նահանգում թեթեւ շարժիչով ինքնաթիռն ավտոճանապարհին վայրէջքի փորձ կատարելիս մխրճվել է բեռնատար ավտոմեքենայի մեջ: Այս մասին տեղեկացնում է USAToday-ը՝ հղում կատարելով տեղական ոստիկանությանը:
Միջադեպը տեղի է ունեցել Ռինո քաղաքից հյուսիս գտնվող Pyramid ավտոճանապարհին: Ինքնաթիռի օդաչուն շարժիչի հետ կապված խնդիր է հայտնաբերել, իսկ ավտոճանապարհին վայրէջք կատարելու փորձի ժամանակ մխրճվել է GMC-ի մեջ:
Բեռնատարում գտնվողները չեն տուժել, ինքնաթիռի օդաչուն եւ ուղեւորը թեթեւ վնասվածքներ են ստացել կոտրված ապակուց:
Ինքնաթիռը Ռինոյից ուղեւորվում էր Հարավային Դակոտա նահանգ: