Տեսահոլովակը, որտեղ հսկա կետը մի քանի մետր լողում է նավակը մեջքին, «YouTube»-ի հիթ է դարձել: Հոլովակն արդեն ավելի քան 4 մլն դիտում է հավաքել:
Ինչպես հաղորդում են հոլովակի հեղինակները, արգենտինական Պուերտո-Մադրին քաղաքի ափերին թիավարները հետեւում էին կետերին՝ լողալով մոտակայքում: Հանկարծ կետերից մեկը լողացել է անմիջապես նավակի տակ եւ բարձրացրել այն: Պահելով այն մի քանի վայրկյան՝ կետը զգուշորեն իջեցրել է նավակն ու հեռացել: Ոչ ոք չի տուժել: