Հաագայի դատարանը ՅՈՒԿՕՍ-ին տուժող կողմ է ճանաչել գրեթե տասը տարի տեւած դատական գործընթացքում, սեփականատերերի կորուստները գնահատել է 50 մլրդ դոլար, հաղորդում է «Կոմերսանտը»՝ վկայակոչելով իր աղբյուրները: Պարբերականի տվյալներով, պաշտոնական որոշումը հայտնի կդառնա հուլիսի 28-ին:
Ռուսաստանը 10 օր ունի բողոքարկման համար: Պարբերականի աղբյուրները չեն կասկածում, որ Մոսկվան կբողոքարկի որոշումը:
Ռուսաստանին մեղավոր են ճանաչել Էներգետիկ խարտիայի խախտման մեջ: Ռուսական կողմը պնդել է, թե խարտիան չի կարող կիրառվել, քանի որ ստորագրվել է 1994թ. վարչապետ Վիկտոր Չեռնոմիրդինի կողմից, սակայն չի վավերացվել խորհրդարանում:
Ըստ որոշման, Ռուսաստանը պետք է վճարի մինչեւ 2015թ. հունվարի 15-ը, ինչից հետո տոկոսներ են հաշվարկվելու: