Սերվանտեսի աճյունի որոնումներով զբաղվող հետազոտողները, ինչպես երբեք, մոտ են իրենց նպատակին:
Falcon High Tech ընկերությունը Մադրիդի մոտակայքում տաճարներից մեկի հիմքի տակ սնամեջ տարածքներ է հայտնաբերել, որոնք, ենթադրաբար, թաղման համար են տրամադրել:
Դրանցից մեկում, ենթադրվում է, կարող են 30 մարդու աճյուն լինել, այդ թվում՝ «Դոն Քիշոտի» հայտնի հեղինակը, հաղորդում է Espanarusa-ն:
Ինչպես հաղորդում են նախագծի ղեկավարները, սրանով աշխատանքների առաջին, հետախուզական մասը կարելի է համարել ավարտած: Որոնողները դրա արդյունքները ներկայացրել են մամուլիսի ասոլիսին, եւ հայտարարել, որ պեղումները պետք է սկսել ամենամեծ դամբարանից:
Եթե այնտեղ էլ գրողի գերեզմանը չհայտնաբերվի,ապա անհրաժեշտ կլինի մի քանի մետր առաջ գնալ. Այդտեղ կարող է թաղված լինել նաեւ Սերվանտեսի կինը՝ Կատալինա դե Սալասարը:
Մադրիդի քաղաքապետ Անա Բոտելյան գիտնականներին հավաստիացրել է, որ կառավարությունը կշարունակի ֆինանսավորել որոնումները ամբողջ ծավալով: Սակայն աճյունը գտնել դեռեւս չեն կարող. նախ անհրաժեշտ է ստանալ տաճարի վնասման թույլտվությունը, որը մշակութային ժառանգության օբյեկտ է:
