BMW ընկերությունը որոշել է վերականգնել Էլվիս Փրեսլիին պատկանող ռոդսթեր 507-ը: Ամերիկյան լեգենդար երգիչը դրանով երթեւեկել է 1958-1962 թվականներին:

Վերանորոգումը կարող է տեւել մինչեւ 2 տարի, իսկ մինչ այդ ավտոմեքենան գտնվելու է ընկերության թանգարանում: Այս մասին գրում է Autonews-ը:

Փրեսլին ճերմակ ռոդսթերը ձեռք է բերել 1958 թվականին, Գերմանիայում ծառայություն անցնելու ժամանակ: Երգիչը մեքենայի համար ավելի քան 3 հազար դոլար է վճարել: Նրա պատվերով ավտոմեքենայի թափքը կարմիր են ներկել: Բացի այդ, երգիչը որոշել է փոխել առջեւի ապակին եւ շարժիչը:

Ծառայությունն ավարտելուց հետո Փրեսլին մեքենան իր հետ ԱՄՆ է տարել, որտեղ ավելի ուշ այն վաճառել է Նյու Յորքի Chrysler ավտոսրահից Թոմմի Չարլզին: