Ղրիմի ղեկավարի ժամանակավոր պաշտոնակատարի խորհրդական Ռուստամ Թեմիրղալիեւը չի բացառում թերակղզում իսլամական բորսայի ստեղծման հնարավորությունը, եթե դրա աշխատանքը չհակասի օրենսդրությանը: Այս մասին տեղեկացնում է Газета.Ру-ն:
«Իսլամական բորսայի վերաբերյալ. եթե այն չհակասի դաշնային օրենսդրությանը, ուրեմն ես ոչ մի խնդիր չեմ տեսնում: Եթե նման նախաձեռնություն, ինչպես նաեւ Մերձավոր Արեւելքից ներդրողների հետաքրքրություն կա՝ հաշվի առնելով ազատ առեւտրի գոտու շրջանակում Ղրիմի առանձնահատուկ կարգավիճակը, միանգամայն հնարավոր է, որ այդ ծրագիրը կարելի է հաջողությամբ իրականացնել»,- ասել է նա:
Իսլամական բորսաները հիմնականում գոյություն ունեն Ասիայի երկրներում: Ռուսաստանում այդպիսիք չկան: Դրանք աշխատանք են առաջարկում շարիաթի կանոնների համաձայն, որոնք արգելում են տոկոսով գումար տրամադրել, արգելված ապրանքների առեւտուր անել (օրինակ՝ խոզի միս եւ ալկոհոլ):