Ռուսաստանի արտգործնախարար Սերգեյ Լավրովը կոչ է արել ԱՄՆ-ին օգտագործել իր ազդեցությունն ուկրաինական իշխանությունների նկատմամբ, որպեսզի Ուկրաինայի հարավ-արեւելքում դադարեցվի կրակն ու բանակցություններ սկսվեն:
Պետքարտուղար Ջոն Քերիի հետ հեռախոսազրույցի ընթացքում ընդգծել են Ժնեւում Ռուսաստանի, ԱՄՆ-ի, ԵՄ եւ Ուկրաինայի միջեւ ապրիլի 17-ին ամրագրված համաձայնություններին վերադառնալու անհրաժեշտությունը, հաղորդում է ՌԴ ԱԳՆ մամուլի ծառայությունը:
Նախարարն ու պետքարտուղարը նաեւ համաձայնել են ՄԱԿ Անվտանգության խորհրդի բանաձեւի դրույթները բարեխղճորեն իրագործելու անհրաժեշտության շուրջ, որոնք պահանջում են ապահովել իսկապես միջազգային եւ անկախ բնույթ մալազիական «Բոինգի» վթարի հետաքննության համար եւ դադարել մարտական գործողությունները դրա վթարի վայրում:
Ռուսաստանի արտգործնախարարի համաձայն՝ կարծիքներ են փոխանակել նաեւ սպառազինությունների վերահսկման համար, այդ թվում նաեւ միջին եւ փոքր հեռավորության հրթիռների չեզոքացման համաձայնության իրագործման ենթատեքստում: