Կազանի կենդանաբանական այգում երկու հարբած երիտասարդ կոտրել են եղջերուի եղջյուրը. կենդանին հայտնվել է սթրեսային իրավիճակում, իսկ չարագործներին ոստիկանական բաժանմունք բերման են ենթարկել, հաղորդում է «prokazan.ru»-ն:

Կենդանաբանական այդու աշխատակիցներին առաջինը բողոքել են այցելուները: Ինչպես պատմում են ականատեսները, երիտասարդները ծաղրում էին եղջերուին, որից հետո բռնել են եղջյուրից: Կենդանաբանական այգու աշխատակիցների խոսքով՝ ամեն տարի եղջերուի եղջյուրները պոկվում են ու նորերն են աճում: Սակայն, չնայած դրան, եղջերուին ոչ միայն ֆիզիկական վնաս են հասցրել, այլ նաեւ հոգեբանական: Այս պահին այն սթրեսի մեջ է գտնվում, օգնություն ցույց տալու համար ոչ ոքի մոտ չի թողնում: