ԱՄՆ-ը պատժամիջոցներ է սահմանել «Բանկ Մոսկվի»-ի, «ՎՏԲ»-ի եւ «Ռոսսելխոզբանկ»-ի նկատմամբ: Այդ մասին հաղորդում է ԱՄՆ-ի ֆինանսների նախարարությունը:
ԱՄՆ-ի քաղաքացիներին կամ ԱՄՆ-ի տարածքում գտնվող անձանց արգելվում է ֆինանսավորել կամ այլ գործարքներ իրականացնել այդ բանկերին 90-ից ավել ժամկետով վարկերի տրամադրման առնչությամբ: Պատժամիջոցները չեն վերաբերում այդ բանկերի հետ նոր գործարքներին կամ այլ հաստատություններին, որտեղ դրանք մասնաբաժիններ ունեն, հաղորդում է «Forbes»-ը: ԱՄՆ-ի պատժամիջոցների ցուցակում է նաեւ Միավորված նավաշինարարական ընկերությունը(«ՕՍԿ»):
Հուլիսի 17-ին Միացյալ Նահանգները պատժամիջոցներ սահմանեցին «Նովատեկի», «Ռոսնեֆտի», «Վնեշէկոնոմբանկի» եւ «Գազպրոմբանկի» նկատմամբ: Սահմանափակումների ներքո հայտնվեցին «Ալմազ-Անտեյ» ընկերությունն ու «Կալաշնիկով» կոնցերնը, «Իժմաշ» ՀԿ-ն, «Բազալտ» Հկ-ն, «Ուրալվագոնզավոդը», «Ռադիոէլեկտրականա տեխնոլոգիաներ» ԲԲԸ-ն, «Սոզվեդիե» կոնցերնը, Մեքենաշինության ՀԿ-ն, «Սարքաշինության կոնստրուկտորական բյուրոն»: