Այսօր աշխարհում նշվում է Ընկերության միջազգային օրը: Այն օրացույցի ամենաերիտասարդ տոներից մեկն է: Տոնը նշելու որոշումն ընդունել է ՄԱԿ-ի Գլխավոր ասամբլեան, 2011թ. ապրիլին, իր 65-րդ նստաշրջանի ընթացքում:
Նոր տարեթվի գաղափարական հիմքը Աշխարհի մշակույթի ոլորտում Հռչակագիրն ու գործողությունների ծրագիրն էր եւ Ողջ մոլորակի շահերից բխող աշխարհի մշակույթի եւ ոչ բռնության միջազգային տասնամյակը (այն ընգրկել է 2001-2010թթ.):
Միացյալ ազգերի կազմակերպությունը պետական կառույցներին, ինչպես նաեւ միջազգային եւ տարածաշրջանային կազմակերպություններին առաջրակել է այդ օրը նշել այս կամ այն երկրի մշակութային ավանդույթներին համապատասխան:
ՄԱԿ-ի բանաձեւում հատկապես ընդգծվում է տարբեր ժողովուրդների միջեւ բարեկամական հարաբերությունների ամրացման գործում նոր ամսաթվի կարեւորությունը, հաղորդում է «Իրադարձությունների օրացույցը»:
«Ժողովուրդների, երկրների, մշակույթների եւ առանձին մարդկանց միջեւ ընկերությունը կարող է ուժեղացնել խաղաղության ապահովման ջանքերն ու հնարավորություն տալ մշակութային բազմազանությունը հարգող հասարակությունների միջեւ կամուրջներ կառուցել», - ասվում է փաստաթղթում:
Պետք է նշել, որ Ընկերության միջազգային օրը նման տեսակի միակ տոնը չէ. հունիսի 9-ը նշվում է՝ որպես Ընկերների միջազգային օր:
