Մոլդովան առաջին անգամ մասնակցելու է Հյուսիսատլանտյան դաշինքի գագաթաժողովին, որն անցկացվելու է սեպտեմբերին, Հարավային Ուելսում: Այս մասին տեղեկացրել է երկրի արտաքին գործերի եւ եվրոպական ինտեգրման նախարար Նատալյա Գերմանը:
«Մոլդովան այս տարի ակտիվ մասնակցություն է ունեցել ՆԱՏՕ-ի խաղաղարար առաքելություններում, ինչպես նաեւ իր KFOR զորամիավորումն է ուղարկել Կոսովո: Այդ գործողությունների շնորհիվ Մոլդովային առաջին անգամ հրավիրել են մասնակցելու դաշինքի գագաթաժողովին, որն անցկացվելու է այս տարվա սեպտեմբերի սկզբին»,- նշել է Գերմանը:
Նա նաեւ հույս է հայտնել, որ գագաթաժողովի ընթացքում կքննարկվի նաեւ հանրապետության տարածքից ռուսական բանակի 14-րդ զորամիավորման դուրսբերման հարցը, որը տեղակայված է չճանաչված Մերձդնեստրի հանրապետության տարածքում, ինչպես նաեւ մեծ քանակությամբ զենքը: Այս մասին տեղեկացնում է «Ազատություն» ռադիոկայանը:
Հունիսի սկզբին հայտնի դարձավ, որ Մոլդովան կարող է ՆԱՏՕ-ի բլոկի մշտական ներկայացուցչություն բացել: Այդ մասին հարցում կատարել են երկրի իշխանությունները: