Ադրբեջանական դիվերսիայի հետեւանքով հուլիսի 25-ի լույս 26-ի գիշերը վիրավորված ժամկետային զինծառայող, ագարակցի Գրիգոր Գրիգորյանի կյանքին վտանգ չի սպառնում: Այս մասին NEWS.am-ին ասաց ՊՆ Կենտրոնական զինվորական հոսպիտալի պետ Արամ Ասատուրյանը:
«Գրիգորի վիճակը նորմալ է, վտնգավոր ոչինչ չկա, կյանքին վտանգ չի սպառնում: Տեղեկությունները, թե թոքի կեսը չի գործում, իրականությանը չեն համապատասխանում. զինվորի վիճակը կայուն է»,- ասաց նա:
Նշենք, որ ժամկետային զինծառայողի հայրը NEWS.am-ին հուլիսի 29-ին ասել էր, որ որդու վիճակը կայուն ծանր է, վնասվել է թոքը, ստոծանին եւ լյարդը:
Ավելի վաղ NEWS.am-ը հայտնել էր, որ հուլիսի 25-ի լույս 26-ի գիշերը Հայաստանի հյուսիս-արեւելյան սահմաններում եւ Արցախի Հանրապետության շփման գծում մի քանի ուղղություններով հակառակորդի կողմից ձեռնարկված դիվերսիոն-հետախուզական գործողությունները կանխելիս հայկական կողմից մեկ զինծառայող է զոհվել, երկուսը՝ վիրավորվել։
Լուսանկարը՝ Արսեն Սարգսյանի/NEWS.am