Սոցիալական ցանցերի օգտատերերը Թուրքիայի փոխվարչապետ Բյուլենթ Առընչին խնդրել են դադարել բարոյականության մասին ելույթներ ունենալ՝ հիշեցնելով վարչապետ Էրդողանի եւ նրա շրջապատի շուրջ հասունացած կոռուպցիոն սկանդալի մասին: Այս մասին գրում է РИА Новости-ն:
Youtube-ում հեռախոսային բանակցությունների ձայնագրություն է հրապարակվել, որոնք, իբր, տեղի են ունեցել թուրք վարչապետի եւ նրա որդու միջեւ: Զրույցի ընթացքում Էրդողանը որդուն հրահանգում է թաքցնել անօրինական կուտակումները:
Բլոգերներն այս կերպ արձագանքել են Բյուլենթ Առընչի ելույթին, որում պաշտոնյան կոչ է արել «խիստ լինել բարոյականության հարցում» եւ «հանրության առջեւ չծիծաղել», «միշտ դաստիարակված մնալ»: Նա նաեւ կարծում է, որ կինը պետք է հստակ կերպով տարբերակի պարկեշտն ու անպարկեշտը: