Չինաստանը հայտարարել է մոտակա 5 տարիների ընթացքում քաղաքներում գյուղական բնակչության վերաբնակեցման մտադրության մասին: Սա կդառնա ըստ բնակության վայրի քաղաքացիների գրանցման համակարգի բարեփոխման փուլերից մեկը:
Այժմ քաղաքում գրանցում ստանալու անհնարինության պատճառով տասնյակ միլիոն մարդիկ ապօրինի միգրանտների կարգավիճակում են հայտնվել եւ չեն կարող քաղաքում գործող սոցիալական արտոնություններից օգտվել:
Չինաստանի իշխանությունները կարծում են, որ 2020թ.-ին ընդառաջ, քաղաքային բնակչությունը երկրի ողջ բնակչության 60%-ը կկազմի: 2010թ. Չինաստանի քաղաքային բնակչությունը կազմել է 669,5 մլն մարդ (ողջ բնակչության մոտ 50%):
Քաղաքային բնակիչների թվի ավելացումը, չինական կառավարության կարծիքով, կխթանի տնտեսական աճը, հաղորդում է BBC-ի ռուսական ծառայությունը:
Քաղաքային գրանցում ստանալու սահմանափակումները կգործեն 5 միլիոնից ավելի բնակչություն ունեցող մեգապոլիսներում, ինչպես Պեկինը կամ Շանհայը: