Ալբանիայի Կենտրոնական բանկի պահեստարանից 713 մլն լեկ (մոտ 5 մլն եվրո) են դուրս բերել, հաղորդում է Gazeta.ru-ն՝ վկայակոչելով Associated Press-ը:
Երկրի իշխանությունները կալանավորել են բանկի երկու աշխատակիցների՝ փողերի գողությանը առնչություն ունենալու կասկածանքով: Կասկածյալներից մեկն արդեն խոստովանել է, որ վերջին 4 տարիների ընթացքում աստիճանաբար փող է գողացել բանկից: Գողացված միջոցների մեծ մասը նա ծախսել է ազարտային խաղերի վրա:
Ալբանիայի Կենտրոնական բանկը վերահսկում է գների կայունությունը ողջ երկրի տարածքում եւ կառավարում 16 մասնավոր բանկեր: