Ժամանակն է, որ Հայաստանի կառավարության անդամները զեկուցեն իրենց կատարված աշխատանքների մասին: Այդ մասին այսօր՝ հուլիսի 31-ին Կառավարության նիստին հայտարարեց վարչապետ Հովիկ Աբրահամյանը: Նա հիշեցրեց, որ ավարտին է մոտենում նախարարների աշխատակազմին տրամադրած 100 օրը, որից հետո պետք է հասարակությանը ներկայացնել առաջին ամիսներին կատարված աշխատանքային քայլերի մասին զեկույց: «Անհրաժեշտ է մամուլի միջոցով զեկուցել մեր կողմից կատարված աշխատանքի մասին», - հայտարարեց Հովիկ Աբրահամյանը:
Հիեցնենք, որ Հովիկ Աբրահամյանը վարչապետ է նշանակվել ապրիլի 13-ից: Մինչ այդ վերջինս զբաղեցրել է Ազգային ժողով նախագահի պաշտոնը: Մայիսի 3-ին նոր կառավարություն ձեւավորելու որոշում էր ընդունվել: 19 նախարարներից իրենց պորտֆելը պահպանեցին 10-ը: Այդուհանդերձ, փոխվել են մի շարք ելակետային նախարարությունների ղեկավարները ՝ էկոնոմիկայի, ֆինանսների, էներգետիկայի: