Հուլիսի 30-ին Իջեւանի «Սուրբ Գրիգոր» մատուռը վանդալային հարձակման է ենթարկվել հոգեկան խնդիրներ ունեցող անձի կողմից:
Նույն օրը, ժամը 13.30-ին, Տավուշի թեմի գործերի կառավարիչը ոստիկանության Իջեւանի բաժնում հաղորդում է տվել, որ կոտրել եւ այրել են Իջեւան քաղաքի Բլբուլյան փողոցում գտնվող «Սուրբ Գրիգոր» մատուռի մուտքի դուռը` պատճառելով 80.000 դրամի նյութական վնաս:
Հանցագործության մասին նախկինում ոստիկանություն չի հայտնվել:
Ոստիկանության ծառայողների ձեռնարկած միջոցառումների շնորհիվ նույն օրը, ժամը 17.00-ին, պարզվել է, որ հանցագործությունը կատարել է 54-ամյա Մարտուն Ղ.-ն, որը տառապում է հոգեկան հիվանդությամբ:
Նյութերի նախապատրաստման ընթացքում պարզվել է նաեւ, որ հունիսի սկզբին Մարտուն Ղ.-ն կոտրել եւ վնասել է Գետահովիտ գյուղի հարակից տարածքում գտնվող հուշաղբյուրի հուշաքարը եւ հուշաքարի կողքին դրված ծաղկամանը` արհեստական ծաղիկներով` պատճառելով 100.000 դրամի նյութական վնաս:
Մարտուն Ղ.-ն գտնվում է հոգեբույժի հսկողության տակ:
Կատարվում է հետաքննություն: