«Ես չեմ ծխում, և դա ինձ դուր է գալիս» գրությամբ շապիկներով հուլիսի 30-ին մի քանի տասնյակ կապանցի երիտասարդներ ֆլեշմոբ-ակցիա են իրականացրել Կապանի քաղաքապետարանի այգում։

Պարային ռիթմերի ներքո ֆլեշմոբի մասնակիցները մարզչի հրահանգով մարմնամարզություն են արել այգում՝  քարոզելով առողջ ապրելակերպ։

Ծրագիրն իրականացրել է Երիտասարդական գիտամշակութային կենտրոնը՝ Կապանի քաղաքապետին կից երիտասարդական խորհրդի «Առողջ ապրելակերպը՝ առողջ երիտասարդության գրավական» ծրագրի շրջանակում։