Մեծ Բրիտանիայում երիտասարդ զույգը, նայելով հին լուսանկարները, հայտնաբերել է, որ դրանցից մեկում ամուսինները միաժամանակ հայտնվել են միեւնեւյն ժամանակում եւ միեւնույն վայրում իրենց ծանոթությունից դեռ 11 տարի առաջ, հաղորդում է «ՌԻԱ Նովոստին»՝ վկայակոչելով Daily Mail-ին:
Հայմե Մայդենը մեծացել է Բրիտանիայի հարավային ափերին՝ Կորնոուլ կոմսության Մաուսհոլդ փոքրիկ բնակավայրում: Իսկ նրա ամուսին Նիկ Վիլերը բնակվել է Քենթ կոմսությունում, սակայն 11 տարի առաջ իր ընտանիքի հետ արձակուրդների ժամանակ եղել է Մաուսհոլդում:
Դիտելով ամուսնու մանկական լուսանկարներից մեկը՝ Հայմեն անսպասելիորեն նկատել է իրեն: «Լուսանկարն արվել էր Նիկի պապիկի կողմից: Նիկը նստած է իր քույրերի հետ, իսկ ես նրանց հետեւում եմ, երկնագույն լողազգեստով», - պատմում է Հայմեն:
Ինչպես հաղորդվում է, Նիկը եւ Հայմեն ամուսնացել են հուլիսի 29-ին, Մաուսհոլդում, այն վայրում, որտեղ 20 տարի առաջ նրանց առաջին համատեղ լուսանկարն է արվել: