Յունիբանկի «Կենտրոն» մասնաճյուղը տեղափոխվել է նոր, հաճախորդների սպասարկման համար ավելի հարմարավետ տարածք: Մասնաճյուղի նոր հասցեն է` Երեւան, Կիեւյան 8, թիվ 64: Տարածքի ընտրությունը կատարվել է` ելնելով տվյալ բնակավայրում բանկային ծառայությունների նկատմամբ առկա պահանջարկից եւ բիզնես միջավայրից: Այն հաճախորդները, որոնք նախընտրում են սպասարկվել «Կենտրոն» մասնաճյուղի նախկին տարածքի մոտակայքում, կարող են օգտվել բանկի «Երիտասարդական» (Երեւան, Աբովյան 23/2), «Օպերա» (Երեւան, Սայաթ-Նովա 1) եւ «Թամանյան» (Երեւան, Թամանյան 2ա) մասնաճյուղերի ծառայություններից:

Յունիբանկը մշտապես մեծ ուշադրություն է հատկացրել մասնաճյուղային ցանցի ընդլայնմանն ու տարածքների բարելավմանը, հատկապես` ծառայությունների հասանելիության եւ որակի բարձրացման առումով: Այժմ բանկը ներկայացված է գլխամասային գրասենյակով եւ 46 մասնաճյուղերով: Բանկի բոլոր մասնաճյուղերն իրականացնում են ֆիզիկական եւ իրավաբանական անձանց համալիր բանկային սպասարկում, այդ թվում` ավանդների ընդունում, սպառողական եւ բիզնես վարկավորում, բանկային քարտերի տրամադրում եւ սպասարկում, UNISTREAM դրամական փոխանցումների իրականացում եւ կոմունալ վճարումների ընդունում:

Հիշեցնենք, որ «Հաղթանակ», «Օպերա» եւ «Լոռի» մասնաճյուղերն աշխատում են վեցօրյա ռեժիմով` հաճախորդների սպասարկում իրականացնելով նաեւ շաբաթ օրերին: «Զվարթնոց» մասնաճյուղն աշխատում է առանց հանգստյան օրերի` շուրջօրյա: Յունիբանկի հաճախորդների թիվը գերազանցում է 250 000: