«Ռոստելեկոմը» Երեւանում կառուցել է գերարագ շղթա, որը տարածվում է ողջ քաղաքով:
Շղթան բոլոր երեւանյան սպառողներին, այդ թվում նաեւ կորպորատիվ հաճախորդներին, ապահովում է կայուն, անխափան ու բարձր արագության ինտերնետ հասանալիությամբ:
Գերարագ շղթայի կառուցման ժամանակ օգտագործվել են Extreme Networks ընկերության սարքավորումներն ու տեխնոլոգիական լուծումները: Նշված ընկերությունն առաջատարներից է ցանցային համակարգերի միջազգային շուկայում (http://www.extremenetworks.com):
ՋԻԷՆՍԻ-ԱԼՖԱ ՓԲԸ-ն, որը հանդես է գալիս Հայաստանում «Ռոստելեկոմ» ապրանքանիշի ներքո, ՀՀ տարածքում իր MPLS ցանցում օգտագործում է 20Գբ/վ արագության միացումներ, միեւնույն ժամանակ գրեթե բոլոր քաղաքներն ապահովված են պահուստային գծերով: Այս ցանցը «Ռոստելեկոմի» կորպորատիվ հաճախորդների համար հնարավոր է դարձնում «մեկ գրասենյակի մակարդակում» իրենց բոլոր հանրապետական մասնաճյուղերի միավորումը:
«Ռոստելեկոմի» GPON ցանցը տարածվում է ՀՀ 19 քաղաքներում՝ կիրառելով «օպտիկան դեպի յուրաքանչյուր բնակարան» տեխնոլոգիան:
«Ռոստելեկոմն» իր ենթակառուցվածքների հաշվին ապահովում է ծառայությունների լայն շրջանակ եւ դա է պատճառներից մեկը, որ լոկալ պրովայդերների, կոմերցիոն բանկերի, պետական կառույցների ու հաստատությունների գերակշիռ մասը վստահում եւ օգտվում են ընկերության ծառայություններից:
Հիշեցնենք, որ «Ռոստելեկոմը» Հայաստանում շահագործում է խոշորագույն եւ միակ օպտիկա-մանրաթելային ցանցը, որն ապահովում է փոխկապակցում տարածաշրջանի բոլոր մայրուղային ցանցերի եւ տրաֆիկի փոխանակման խոշորագույն հանգույցների հետ Վրաստանի եւ Իրանի միջազգային կապուղիների միջոցով:
