Իսպանացի ինժեներներն աշխատում են խելացի նստարանի ստեղծման շուրջ, որը հետեւելու է վարորդի ինքնազգացողությանը մեքենան վարելու ընթացքում:
Հատուկ մշակված տեխնոլոգիան թույլ կտա վերահսկել մարդու օրգանիզմի երկու կարեւոր գործընթացներ՝ շնչառության եւ սրտի աշխատանքին: Հոգնածության պահին, երբ մարդը կարող է ննջել, երկու ցուցանիշները նկատելիորեն նվազում են՝ շնչառությունն ու սիրտը կարծես թե պատրաստվում են քնել:
Ենթադրվում է, որ նստարանը կարող է զգալ վտանագավոր վիճակն ու վարորդին զգուշացնել, որ ժամանակն է հանգստանալ: Այդ կերպ, վերահսկողության եւ ծանուցման նոր համակարգը, որն անվանել են «Harken»(անգլերեն նշանակում է «ականջ դնել»), կարող է շատերի կյանքը փրկել: Այն արդեն փորձարկել են մրցուղու վրա, եւ շուտով փողոցային երթեւեկության փորձարկումները կսկսվեն, հաղորդում է «Վոկրուգ սվետա»-ն: