Չեխ ավտոարտադրողը Մոսկվայի ավտոսրահ կբերի միաժամանակ երկու նորույթ. առաջին անգամ Ռուսաստանում կլինի 5 դուռ ունեցող «Skoda Vision C», ինչպես նաեւ «Skoda Octavia Scout»-ի հերթական սերնդի ունիվերսալ ամենագնացի սերիական տարբերակ:
«Octavia»-ի սովորական տարբերակի համեմատ՝ նոր «Scout»-ն ունի հատուկ փաթեթ վատ ճանապարհների համար՝ ներառյալ հատակի հավելյալ պաշտպանությունը:
Ռուսաստանում «Octavia Scout»-ն առաջարկվում է 1.8 լիտրանոց «TSI» շարժիչով 180 ձիաուժ, «DSG» վեց աստիճանանոց փոխանցման տուփով: Նախորդի համեմատ մեքենան 20 տոկոսով ավելի է տնտեսում վառելանյութը՝ 100 կմ-ի համար 6.9 լիտր:
«Scout»-ից բացի կտեղակայվի նաեւ հայեցակարգային հինգ դռնանի «Vision C» կուպե, որը, ինչպես հաղորդում է արտադրողը, խորհրդանշում է ապրանքանիշի դիզայնի անցումը նոր մակարդակի: Մեքենան չեխական ապրանքանիշի համար նոր սեգմենտ ունի, որը նման է «Volkswagen Passat CC»-ին:
Մոսկվայի միջազգային ավտոսրահը կանցկացվի 2014թ.-ի օգոստոսի 27-ից մինչեւ սեպտեմբերի 7-ը:
