Ford Sollers ընկերությունը Մոսկվայի ավտոսրահում կներկայացնի վեց  նոր ավտոմեքենա, ասվա] է ավտոարտադրողի հաղորդագրությունում:

Նորություններից մեկը կդառնա Ford EcoSport-ի շնորհանդեսը: Մոսկվայի ավտոսրահում տեղի կունենա նոր Ford Fiesta հինգդռնանի մեքենայի ռուսական տարբերակի  դեբյուտը: Այցելուները նաեւ կծանոթանան նոր Ford Mondeo-ին, որում եվրոպական շուկայում առաջին անգամ ներկայացված են անվտանգության փչովի ամրագոտիներ` հետեւի նստատեղի ուղեւորների համար

Նոր Ford Focus-ը ռուսական ավտոշուկայում կհայտնվի 2015 թ., դրա արտադրությունը կսկսվի Վսեվոլոժսկի Ford Sollers ձեռնարկությունում: Սակայն Մոսկվայի ավտոսրահի այցելուները այն կտեսնեն արդեն օգոստոսի վերջին:  Այնտեղ նաեւ տեղի կունենա նոր Ford Mustang-ի ռուսական տարբերակի դեբյուտը: Եվս մեկ ցուցանմուշ կդառնա նոր սերնդի Ford Transit-ը: Այն արդեն կարելի է պատվիրել դիլերներին` 1 միլիոն 200 հազար ռուբլի արժեքից սկսած: