Դերասան Ռոբին Ուիլյամսն ինքնասպան է եղել, հայտնում է Reuters-ը:
Ըստ տեղի շերիֆի` 63-ամյա Ուիլյամսը մահացած հայտնաբերվել է Հյուսիսային Կալիֆորնիայի իր տանը:
«Այսօր առավոտյան կյանքից հեռացել է Ռոբին Ուիլյամսը: Վերջին ժամանակներս նա խոր ընկճախտ էր ապրում: Սա անսպասելի կորուստ է մեզ համար: Ընտանիքը խնդրում է հարգանքով վերաբերվել մահվանը եւ անձնական կյանքին այս դժվարին ժամանակահատվածում», — նշել է դերասանի անձնական հրապարակախոսը, փոխանցում է Gazeta.ru-ն:
Մահվան պատճառ է դարձել ասֆիքսիան (շնչահեղձուկը):