Հայաստանն աշխարհում առաջինն է գազով աշխատող մեքենաների թվով: Այդ մասին նշվում է « Greencarreports.com » կայքում: Եվրոպայում(UNECE) եւ Միջազգային ճանապարհային ֆեդերացիայում(IRF) ՄԱԿ տնտեսական հանձնաժողովի վիճակագրության համաձայն՝ Հայաստանում գազով է աշխատում մեքենաների 77.3 տոկոսը: Մոտ ցուցանիշ ունի Պակիստանը՝ 64.7 տոկոս: Բոլիվիայում այդ թիվը կազմում է 37.1 տոկոս, հարեւան Իրանում՝ 20.7 տոկոս, մյուս երկրներում ՝ ավելի քիչ:
Իհարկե, պարբերականը նշում է, որ Հայաստանում մեքենաների 99.99 տոկոսը ի սկզբանե գազով աշխատանքի համար չեն նախատեսված(գործարանանները, սովորաբար, ավելի թանկ արժեն), եւ փոխում են համակարգն ինքնուրույն: Նույն իրավիճակն է Պակիստանում:
Ընդ որում, ըստ բենզինի գնի բարձրացման, Հայաստանում գազի համակարգի են փոխվում նաեւ թանկ մեքենաները: Ինչպես նախկինում NEWS.am-ին հաղորդում էր նավթ ներկրող «Ֆլեշ» ընկերության փոխտնօրեն Մուշեղ Էլչյանը՝ «առաջ գազի հիման վրա աշխատող ջիպերը գիշերն էին լիցքավորում, որպեսզի ոչ ոք չտեսնի. հեղինակության հարց է: Իսկ այժմ այդ էլ են անտեսում ու բոլորի աչքի առաջ են լիցքավորում»: