Երեկ՝ օգոստոսի 13-ին, Աբովյան քաղաքում դիակ են հայտնաբերել:
NEWS.am-ին հայտնի է դարձել, որ վաղ առավոտյան քաղաքի թիվ 1 դպրոցի խաղահրապարակում տղամարդու դիակ է հայտնաբերվել: Ավելի ուշ պարզվել է նրա ինքնությունը: Նա նույն քաղաքի բնակիչ է, 67 տարեկան է: Թե ինչ հանգամանքներում է նա հայտնվել դպրոցի բակում եւ ինչպես է վրա հասել մահը, դեռ պարզվում է:
Դեպքի կապակցությամբ ոստիկանությունից NEWS.am–ին միայն հայտնել են, որ նշանակվել է դատաբժշկական փորձաքննություն: Նախապատրաստված նյութերն ուղարկվել են քննչական բաժանմունք: