Քալիֆորնիական Գլենդել քաղաքի միավորված դպրոցական շրջանում աշակերտների 66%-ի լեզուն անգլերենը չէ: Այդ մասին գրում է «Glendale News-Press» թերթը:
Շրջանում 6381 աշակերտ ուսումնասիրում է անգլերեն, ինչը 460-ով ավելի շատ է անցյալ տարվա համեմատությամբ: Բացի այդ, սովորողների 33%-ի լեզուն անգլերենն է: «Գլենդելի բանկչությունը բազմազան է», - նշել է Ֆլենդելի միավորված դպրոցական շրջանի տեսուչի օգնական Քելի Քինգը:
Ինչ վերաբերում է ազգային պատկանելիությանը, ապա աշակերտների 545-ը սպիտակամորթներ են, այդ թվում՝ հայկական եւ մերձավոր արեւելյան ծագմամբ: Իսպանալեզու աշակերտները կազմում են 23%-ը, իսկ Ասիայի եւ խաղաղօվկիանոսյան կղզիներից աշակերտները՝ 18%:
Նշենք, որ Գլենդելում է բնակվում հայկական խոշորագույն հանրություններից մեկը: Որոշ տվյալներով՝ քաղաքի բնակչության 40%-ը հայեր են:
