Forbes-ը կազմել է աշխարհի ամենաազդեցիկ քաղաքների ցանկը: Ցանկը կազմելիս հաշվի են առնվել տրանսազգային կորպորացիաների համար մատչելի օժանդակ ծառայությունները, ինչպես նաեւ տնտեսական վիճակն ընդհանուր առմամբ:

Քաղաքները գնահատվել են մի քանի գործոնով, այդ թվում՝ արտասահմանյան ներդրումների ներգրավվածության մակարդակով, հայտնում է rbc-Ուկրաինան:

Առաջին եռյակում են Լոնդոնը,  Նյու Յորքը եւ Փարիզը, չորրորդում՝ Սինգապուրը: Հնգյակը եզրափակում է Տոկիոն: Հաջորդում են Հոնկոնգը (6-րդ տեղ), Դուբայը (7-րդ), Պեկինը եւ Սիդնեյը (8-րդ), Լոս Անջելեսը, Սան Ֆրանցիսկոն եւ Տորոնտոն (10-րդ տեղ):