Ամերիկացի զինվորականների գործողությունները փրկել են Իրաքը աղետալի հետեւանքներից, հայտարարել է ԱՄՆ նախագահ Բարաք Օբաման:
Նրա խոսքով՝ ԱՄՆ-ը իրաքյան զորքին եւ քրդական անվտանգության ուժերին զենք եւ լրացուցիչ օգնություն է տրամադրել:
«Մեր աջակցությամբ իրաքյան եւ քրդական ուժերը վերականգնել են Մոսուլի մոտակայքում գտնվող ամբարտակի նկատմամբ վերահսկողությունը: Եթե այն ոչնչացվեր, հետեւանքները աղետալի կլինեին», - հայտարարել է Օբաման, հաղորդում է «ՌԻԱ Նովոստին»:
Մեր զինվորների գործողությունները թույլ են տալիս արդյունավետորեն պաշտպանել մեր աշխատակազմը: Վերջին 11 օրերին ընթացքում ամերիկյան ավիահարվածները կանգնեցրել են Էրբիլ քաղաքի ուղղությամբ ԻԼԻՊ-ի առաջխաղացումը եւ հետ են շպրտել ահաբեկիչներին», - հայտարարել է Օբաման:
Հիշեցնենք, որ նախօրեին հաղորդվել էր, որ իրաքյան զինվորականները եւ քրդական աշխարհազորայինները զինյալներին դուրս են մղել երկրի խոշորագույն Մոսուլյան ամբարտակից:
Այդուհանդերձ, «Իսլամական պետությունը» հավաստիացրել է, որ նախկինի պես վերահսկում է այդ ամբարտակը:
