Արարատի մարզի Նորաշեն գյուղում օգոստոսի 18-ին ինքնասպանություն գործած 28-ամյա կինը 2 անչափահաս երեխա ուներ. ավագն այս տարի դպրոց էր գնալու: Այս մասին NEWS.am-ին հայտնեցին գյուղապետարանից:
«Հոգեկան խանգարում ուներ, հոգեմետ դեղեր էր օգտագործում, իհարկե բժշկի նշանակումով: Անցած աշնանն էլ ինքնասպանության փորձ էր կատարել, բայց կարողացան կանխել: Այս անգամ էլ ամուսինը փողոցում նարդի խաղալիս է եղել, ինքն էլ տանը մենակ ու նկուղում կախվել է»,- ասացին գյուղապետարանից:
Նշենք, որ այս դեպքով նշանակվել է դատաբժշկական փորձաքննություն: Հարուցվել է քրեական գործ, կատարվում է նախաքննություն: Դիակի վրա արտաքին զննությամբ բռնության հետքեր չեն հայտնաբերվել: