ՌԴ Անապա քաղաքի օդանավակայանում օդանավի վայրէջքի ժամանակ օդաչուներին փորձել են կուրացնել լազերային ճառագայթով, փոխանցում է «Ինտերֆաքսը»՝ վկայակոչելով իրավապահ մարմինները: Միջադեպը տեղի է ունեցել օգոստոսի 19-ին՝ ժ. 21.50-ին, Վնուկովոյից Անապա չվերթ իրականացնող օդանավի վայրէջքի ժամանակ: «Օդանավում գտնվել է 26 ուղեւոր, անձնակազմը նորմալ վայրէջք է կատարել», — ասվում է հաղորդագրությունում: Անձնակազմը զեկուցել է կուրացման փորձի մասին:
