Իտալիայի պաշտպանության նախարար Ռոբերտա Պինոտին հայտարարել է Իսլամական պետության» զինյալների դեմ պայքարող իրաքյան քրդերին զենք ուղարկելու պատրաստակամության մասին:
Ավելի վաղ, Գերմանիան նաեւ հայտարարել է Իրաքում քրդերին օգնելու պատրաստակամության մասին: Պինտոիի խոսքով՝ Իտալիան կարող է քրդերին թեթեւ զենք եւ ռազմամթերք ուղարկել:
Հանդես գալով երկրի խորհրդարանում՝ նա նույնպես նշել է երկրների միջեւ համակարգման անհրաժեշտությունը, որպեսզի խուսափեն չարդարացված մեծ քանակությամբ միեւնույն սառազինության մատակարարումից:
Պաշտպանության նախարարը ընդգծել է, որ անհրաժեշտ է ստուգումներ իրականացնել, որպեսզի իրաքյան կառավարության ներկայացուցիչներին օգնություն տրամադրվի, իսկ սպառազինությունը օգտագործվի բացառապես ինքնապաշտպանության նպատակներով, հաղորդում է BBC-ի ռուսական ծառայությունը: