Հորդառատ անձրեւների պատճառով առաջացած սողանքի հետեւանքով այսօր՝ օգոստոսի 20-ին, ժամը 18։00-ի սահմանում փակվել է Վանաձոր-Ալավերդի միջպետական ճանապարհը։

Լոռու մարզում NEWS.am-ի թղթակիցը հաղորդում է, որ սողանքը տեղի է ունեցել Դսեղի հատվածում. ճանապարհը նախ երկկողմանի է փակվել, մինչեւ ԱԻՆ-ի ժամանելը վարորդներն իրենց ուժերով հեռացրել են ճանապարհին թափված քարերը եւ ճանապարհը բացել մարդատար մեքենաների միակողմանի երթեւեկության համար։ Բեռնատարների համար, սակայն, ճանապարհն անանցանելի է։

Մեր թղթակիցն այժմ դեպքի վայրում է։ Մանրամասները կհաղորդենք ավելի ուշ։