Ճապոնիայի հետախուզական Oyashio սուզանավի գործունեությունը սահմանամերձ ջրերում կասեցվել է Խաղաղօվկիանոսյան նավատորմի հականավային ուժերի կողմից, գրում է «Կոմերսանտը»` վկայակոչելով Ռուսաստանի պաշտպանության նախարարության աղբյուրները:
Ռուսաստանի Գլխավոր շտաբի բարձրաստիճան աղբյուրը թերթին հայտնել է, որ «արտասահմանյան սուզանավը հայտնաբերվել էր Լապերուզա նեղուցի հյուսիսում, որով անցնում է ռուս-ճապոնական սահմանը»:
«Երբ սուզանավի տեղաշարժը կասեցվել է Խաղաղօվկիանոսյան նավատորմի հակաանավային ուժերի կողմից, օբյեկտին հետեւելու են ուղարկվել մի շարք նավեր եւ ծովային ավիացիայի ստորաբաժանումները: Որոշ ժամանակ անց սուզանավը արագ լքել է սահմանամերձ գոտին` խորանալով չեզոք ջրերում», — պատմել է նա:
Թերթին հայտնել են, որ ըստ նախնական տվյալի, ռուսական ծովային սահմանի մոտ հայտնաբերվել է Oyashio տեսակի ճապոնական դիզել-էլեկտրական սուզանավ:
Նշվում է, որ «Կոմերսանտը» չի կարողացել օպերատիվ մեկնաբանություն ստանալ Ռուսաստանում Ճապոնիայի դեսպանատնից:
